ايه اكتر حاجة ال HR بيكره يشوفها فى ال C.V بتاعك ؟

ايه اكتر حاجة ال HR بيكره يشوفها فى ال C.V بتاعك ؟

من واقع خبرة شخصية فى ال Recruitment وبالكلام مع ناس كتير من نفس المجال دى اكتر حاجات اى HR بيكره يشوفها فى ال C.V بتاعك وهيكون رد فعله زى فى الصورة كده بالظبط :D 

فا منفضلك متعملش الاتى:

1- الالوان
بلاش تعامل ال C.V على انه كراسة رسم وتستخدم الوان الطيف فى كتابة ال C.V بتاعك وبلاش الوان اصلا كفاية ابيض واسود لان ده دليل على انك شخص مش محترف.

2- اكتر من صفحتين:
بشوف ناس كتير ال C.V بتاعها اكتر من 3 واربع صفحات وفى منهم حديثى التخرج مع ان التميز انك تعرض نفسك فى مساحة قليلة لان ال HR معندوش وقت يقرا كل ده فا خليك محدد ومتكتبش حاجة ملهاش علاقة بالوظيفة وحاول تخلى ال C.V بتاعك صفحة واحدة بس :)

3- ال Fonts المختلفة:
ال C.V عبارة عن اعلان عايزه يشد العين ويكون سهل فى قرائتهوفى ناس كتير بتستخدم احجام وانواع مختلفة من ال Fonts فى ال C.V وده بيصعب على اى حد ان يقرا الكلام بوضوع حاول تختار نوع خط واحد وحجمين مختلفين فقط.

4- صورة UnProfessional:
انك تبقى حاطط صورتك وانت واقف بعيد او متصور بجمبك او وانت مش واخد بالك مثلا يعنى smile emoticon او اى مظهر مش مناسب انى اشوفه وانا باخد قرار اعينك ولا لآ فا ابوس ايدك ريحنى وريح نفسك ومتحطش صورة اصلا غير لو اطلب منك ده ولو فكرت تحط حط صورة لوشك وانت مبتسم :)

5- ودى بقى الاقوى:
ساعات بشوف ناس كويسة جدااا وعندها مؤهلات ممتازة وفى الاخر الاقى حضرتك ناسى تكتب بياناتك الشخصية اللى اقدر اوصلك بيها او مثلا حاطط رقم تليفون او ايميل غلط او يبقى الايميل بتاعك زى كده
.....@Hamada_El-Lol

دى حاجات بسيطة من اللى ناس كتير بتشتغل فى ال HR بتشوفها وبيبقى سبب مقنع جداااا فعلا انى ارفضك,
ال HR مش شرير اوى زى ما انتوا فاكرين بس انت متديهوش سبب انه يتحول عليك :D

المقال ده اتكلمنا فيه بس عن ابسط الاساسيات لو عايز تعرف اكتر عن ال Resume وازاى تسوق لنفسك عن طريقها ممكن تشوف اللينكات دى وتعرف اكتر عن اسلوب ال Resume Branding اللى بنتكلم عليه 

المصدر

Summer Training & Jobs